प्रतिनिधी – सोलापूर
विवाहितेचा शारीरिक व मानसिक छळ व हुंडा मागणी केल्याच्या आरोपाखाली दाखल खटल्याची सुनावणी पूर्ण होऊन, प्रथमवर्ग न्यायदंडाधिकारी (कोर्ट क्र. ३) श्री. विनायक एम. रेडकर यांच्या न्यायालयाने आरोपी सागर (पती), सुमन (सासू) आणि संतोष (दीर) यांची सबळ पुराव्याअभावी फौजदारी प्रक्रिया संहिता (Cr.P.C.) कलम २४८(१) अन्वये निर्दोष मुक्तता (Acquittal) केली आहे.
या प्रकरणात आरोपींच्या वतीने ॲड. श्रीनिवास कटकूर (Adv. Srinivas Katkur) यांनी विधीतज्ज्ञ म्हणून कामकाज पाहिले.
खटल्याची पार्श्वभूमी व दोषारोप (Charges):
जोडभावी पेठ पोलीस ठाण्यात दाखल गु.र.नं. २४२/२०१८ नुसार, फिर्यादी सौ. मेघाली यांनी आरोपींविरुद्ध वैवाहिक नातेसंबंधातून सासरी व्यापारासाठी दोन लाख रुपयांच्या हुंडा बेकायदेशीर मागणीवरून क्रूर वागणूक (Cruelty) व मानसिक-शारीरिक छळ केल्याची फिर्याद दाखल केली होती.
पोलिसांनी तपास पूर्ण करून भारतीय दंड विधान (IPC) कलम ४९८-अ (पती किंवा पतीच्या नातेवाईकांकडून महिलेवर क्रूरता) सहकलम ३४ (समान हेतू/संगनमत) अंतर्गत न्यायालयात दोषारोपपत्र (Charge-sheet) दाखल केले होते.
सुनावणीदरम्यान आरोपी सासरे सूर्यकांत यांचे निधन झाल्याने त्यांच्याविरुद्धचा खटला निष्प्रभ (Abated) झाला होता.
ॲड. श्रीनिवास कटकूर यांचा कायदेशीर युक्तिवाद व पुराव्यांचे विश्लेषण:
खटल्याच्या अंतिम युक्तिवादात यांनी मांडलेले मुद्दे अत्यंत महत्त्वपूर्ण ठरले:
कायदेशीर नजीर (Precedent): सर्वोच्च न्यायालयाच्या मदनमोहन अबोट वि. पंजाब राज्य (2008 Cri. L.J. 2243) या न्यायनिर्णयाचा दाखला देत, हा खटला व्यक्तिगत स्वरूपाचा असल्याने अभियोगपक्षाचा आरोप सिद्ध होण्याची शक्यता उरली नसल्याचा युक्तिवाद ग्राह्य धरण्यात आला.
क्रूरतेचा अभाव व निष्कर्षांची कमतरता:
कौटुंबिक न्यायालयातील हिंदू विवाह याचिका क्र. अ-४७७/२०२१ च्या न्यायनिर्णयानुसार, फिर्यादीच्या वागणुकीवरून पतीस घटस्फोट मंजूर झाल्याचा पुरावा (निशाणी ६०/१) ग्राह्य धरत अभियोगपक्ष भा.दं.वि. कलम ४९८-अ अन्वये आवश्यक असलेला छळ अथवा आत्महत्येस प्रवृत्त करणारी क्रूरता वाजवी संशयाच्या पलीकडे (Beyond Reasonable Doubt) सिद्ध करण्यास अपयशी ठरल्याचे सिद्ध करण्यात आले.
अंतिम न्यायालयीन आदेश (Final Order):
आरोपींविरुद्ध अभियोग पक्षाचा पुरावा निष्फळ ठरल्याने न्यायालयाने आरोपी सागर , सुमन व संतोष यांची भा.दं.वि. कलम ४९८-अ सह ३४ च्या आरोपातून फौ.प्र.सं. कलम २४८
(१) अन्वये निर्दोष मुक्तता (Acquittal) करण्यात आली
२. आरोपींचे जामीनरोखे व जातमुचलके रद्द करण्यात आले.
३. अपीलाच्या औपचारिकतेसाठी फौ.प्र.सं. कलम ४३७-अ अंतर्गत आरोपींना प्रत्येकी २५,००० रुपयांचे जातमुचलके दाखल करण्याचे निर्देश दिले.
या संपूर्ण खटल्यात आरोपींतर्फे विधिज्ञ म्हणून ॲड. श्रीनिवास कटकूर (Adv. Srinivas Katkur), adv. आकाश आयंची यांनी यशस्वी काम पाहिले.
जनता संघर्ष न्यूज सोलापूर
बातम्या व जाहिरातीसाठी संपर्क – 9579838240
