
नगरसेवक महेश मालक इंगळे यांच्या हस्ते उद्घाटन; कुंभेज फाटा परिसरातील ग्राहकांना स्टील व हार्डवेअर साहित्याची सुविधा
करमाळा (प्रतिनिधी)
करमाळा तालुक्यातील कुंभेज फाटा येथे सुरू करण्यात आलेल्या धनलक्ष्मी स्टील ट्रेडर्स आणि हार्डवेअर या नूतन व्यावसायिक दालनाचा शुभारंभ दिवाळी पाडव्याच्या शुभमुहूर्तावर मोठ्या उत्साहात पार पडला. श्री वटवृक्ष स्वामी महाराज देवस्थान समितीचे चेअरमन तथा विद्यमान नगरसेवक महेश मालक इंगळे यांच्या हस्ते फीत कापून या दालनाचे उद्घाटन करण्यात आले.
यावेळी नगरसेवक महेश मालक इंगळे यांनी भोसले परिवाराला दिवाळीच्या शुभेच्छा देत नवीन व्यवसायाच्या यशस्वी वाटचालीसाठी शुभेच्छा दिल्या. व्यवसायात ग्राहकांचा विश्वास, दर्जेदार साहित्य आणि उत्तम सेवा यांना प्राधान्य दिल्यास निश्चितच यश मिळते, असे मत त्यांनी व्यक्त केले. याप्रसंगी बाळासाहेब भोसले यांना श्री स्वामी समर्थांचे कृपावस्त्र व प्रसाद देऊन सन्मानित करण्यात आले.
धनलक्ष्मी स्टील ट्रेडर्सचे प्रोप्रायटर बाळासाहेब भोसले, प्रवीण बाळासाहेब भोसले आणि संजय बाळासाहेब भोसले यांच्या वतीने नगरसेवक महेश मालक इंगळे यांचा यथोचित सत्कार करण्यात आला. कुंभेज फाटा व परिसरातील ग्राहकांना स्टील आणि हार्डवेअर क्षेत्रातील विविध प्रकारचे साहित्य एकाच ठिकाणी उपलब्ध व्हावे, या उद्देशाने हे व्यावसायिक दालन सुरू करण्यात आले आहे. त्यामुळे परिसरातील नागरिक आणि व्यावसायिकांना खरेदीसाठी सोयीची सुविधा उपलब्ध होणार आहे.
या उद्घाटन सोहळ्यास यशकल्याणी सेवाभावी संस्थेचे अध्यक्ष प्रा. गणेश करे-पाटील, प्राचार्य मिलिंद फंड, प्राचार्य बाळासाहेब नरारे, सार्वजनिक बांधकाम विभागाचे अभियंता मधुकर सुर्वे, माजी सरपंच राजूशेठ गादिया, प्रसन्नशेठ बलदोटा, अजयकुमार देशमुख, ग्रामपंचायत सदस्य गुरुदास सुर्वे, सामाजिक कार्यकर्ते अनिलशेठ कादगे, समाजकल्याण विभागाचे अधिकारी युवराज भोसले, सहाय्यक उपनिबंधक तात्यासाहेब भोसले, मेजर बिभीषण कन्हेरे, कानिफनाथ गुटाळ, कृषी उत्पन्न बाजार समिती करमाळाचे संचालक महादेव कामटे, कल्याणराव साळुंके सर, सुभाष इंगोले, प्रगतशील बागायतदार संभाजी भोसले, भारत पवार, बाबा सुरवसे, अंकुश केत, रमेश शिंदे सर, केतन भोसले, गणेश सुर्वे, अभिजित भोसले, अतुल भोसले, बाबासाहेब माळी, नानासाहेब भोसले, सतीश चौगुले, नानासाहेब तोरमल, यून्नूस पठाण यांच्यासह विविध क्षेत्रांतील मान्यवर, व्यापारी, नागरिक आणि भोसले परिवाराचे आप्तेष्ट मोठ्या संख्येने उपस्थित होते.
जनता संघर्ष न्यूज,सोलापूर
संपादक – सिद्धार्थ भडकुंबे
बातम्या व जाहिरातीसाठी संपर्क – 9579838240















