प्रतिनिधी -सोलापूर
मनपा मुलांची मराठी केंद्र शाळा क्रमांक ९ येथे भारताचा ८० वा स्वातंत्र्य दिन उत्साहपूर्ण वातावरणात साजरा करण्यात आला. यावेळी विद्यार्थ्यांसह शिक्षक, पालक आणि मान्यवरांची मोठ्या संख्येने उपस्थिती होती.
कार्यक्रमास भारतीय जैन संघटनेच्या अध्यक्षा सौ. प्रविणा सोलंकी मॅडम व पदाधिकारी, विद्यमान नगरसेवक मा. आसिफ शेख, कामगार युनियन संघटनेचे अध्यक्ष व नेते श्री. जानराव साहेब व पदाधिकारी तसेच सोलापूर महानगरपालिकेचे आरोग्य निरीक्षक श्री. शिरसट सर प्रमुख पाहुणे म्हणून उपस्थित होते. उपस्थित मान्यवरांच्या हस्ते ध्वजारोहण करण्यात आले. त्यानंतर राष्ट्रध्वजाला मानवंदना देण्यात आली.
स्वातंत्र्य दिनानिमित्त विद्यार्थ्यांनी सामूहिक लेझीम नृत्य, सामूहिक गीत गायन तसेच प्रभावी भाषणे सादर करून उपस्थितांची मने जिंकली. यावेळी विद्यार्थ्यांनी साक्षरतेची शपथ, तंबाखूमुक्तीची शपथ तसेच निपुण भारत अभियानाची शपथ घेतली.
भारतीय जैन संघटनेच्या वतीने गुणवंत विद्यार्थ्यांचा रोख रक्कम देऊन सत्कार करण्यात आला. तसेच शाळेच्या वतीने माता-पालकांचा विशेष सत्कार करण्यात आला. प्रमुख पाहुण्यांनी आपल्या मनोगतातून विद्यार्थ्यांना मार्गदर्शन करत स्वातंत्र्य दिनाच्या शुभेच्छा दिल्या.
कार्यक्रमाचे सूत्रसंचालन सहशिक्षिका श्रीमती चौगुले यांनी केले, तर प्रास्ताविक मुख्याध्यापिका श्रीमती कांबळे यांनी केले. कार्यक्रम यशस्वी करण्यासाठी शाळेतील कलाशिक्षक श्री. काझी, सौ. पाटोळे, श्रीमती देवनपल्ली, सौ. सुरवसे व श्री. काकडे यांनी विशेष परिश्रम घेतले.
विद्यार्थ्यांचा उत्स्फूर्त सहभाग, विविध सांस्कृतिक कार्यक्रम आणि मान्यवरांच्या मार्गदर्शनामुळे स्वातंत्र्य दिनाचा कार्यक्रम उत्साहात व आनंदी वातावरणात संपन्न झाला.
जनता संघर्ष न्यूज, सोलापूर
बातम्या व जाहिरातीसाठी संपर्क -9579838240
