प्रतिनिधी -सोलापूर,
महाराष्ट्र राज्य मागासवर्गीय आयोगाचे सदस्य मा. श्री. काळे साहेब आणि मा. श्री. जाधव साहेब हे सोलापूर दौऱ्यावर आढावा बैठकीसाठी आले असता, भारतीय काँग्रेस पक्षाच्या वतीने त्यांची भेट घेऊन महत्त्वाचे निवेदन सादर करण्यात आले.
यावेळी सोलापूर शहर काँग्रेसचे शहराध्यक्ष मुस्ताकभाई लालको यांच्या नेतृत्वाखालील शिष्टमंडळाने आयोगास निवेदन देत सोलापूर जिल्ह्यातील अल्पसंख्याक समाजातील नागरिकांना जात वैधता प्रमाणपत्र वेळेत मिळत नसल्याची तसेच अनेक प्रकरणांमध्ये विनाकारण विलंब व अडथळे निर्माण होत असल्याची बाब निदर्शनास आणून दिली.
या समस्येची आयोगाने गांभीर्याने दखल घेऊन संबंधित अधिकाऱ्यांना प्रलंबित प्रकरणे तातडीने निकाली काढण्याचे तसेच पात्र नागरिकांना वेळेत जात वैधता प्रमाणपत्र उपलब्ध करून देण्याचे निर्देश द्यावेत, अशी मागणी शिष्टमंडळाने निवेदनाद्वारे केली.
यावेळी आयोगाच्या सदस्यांनी निवेदनाची दखल घेत संबंधित विषयाचा पाठपुरावा करून आवश्यक ती कार्यवाही करण्यात येईल, असे आश्वासन दिल्याची माहिती काँग्रेसच्या पदाधिकाऱ्यांनी दिली.
