सोलापूरच्या सदर बझार पोलीस ठाण्यातील गुन्ह्यात मुंबईत राहण्याच्या अटीवर ४ जानेवारी २०२७ पर्यंत जामीन.
कोल्हापूर, दि. १९ ऑगस्ट २०२६
सदर बझार पोलीस ठाणे, सोलापूर शहर येथे दाखल असलेल्या गुन्ह्यातील आरोपी समरसेनजीत ऊर्फ टिपू प्रमोद गायकवाड यांना त्यांच्या अल्पवयीन मुलाच्या गंभीर वैद्यकीय उपचारासाठी मुंबई येथील उच्च न्यायालयाच्या कोल्हापूर सर्किट बेंचकडून तात्पुरता वैद्यकीय जामीन मंजूर करण्यात आला आहे. हा आदेश मा. न्यायमूर्ती अश्विन डी. भोबे यांनी १८ ऑगस्ट २०२६ रोजी दिला.
सदर प्रकरणात क्राईम नं. ०१/२०२५ असून भारतीय न्याय संहिता, २०२३ मधील विविध कलमांसह क्रिमिनल लॉ अमेंडमेंट ॲक्टच्या कलम ७ अंतर्गत गुन्हा दाखल आहे. आरोपीने यापूर्वी सत्र न्यायालय तसेच उच्च न्यायालयात जामिनासाठी केलेले अर्ज नाकारले गेले होते. सदर अर्ज हा उच्च न्यायालयातील दुसरा जामीन अर्ज होता.आरोपीच्या अल्पवयीन मुलास Thalassaemia Major हा आनुवंशिक रक्तविकार असून त्याला नियमित रक्त संक्रमण व वैद्यकीय उपचारांची आवश्यकता आहे. नारायण हेल्थच्या SRCC Children’s Hospital, मुंबई यांनी त्याच्यासाठी Haploidentical Bone Marrow Transplant करण्याचे नियोजन केले आहे. उपलब्ध माहितीनुसार मुलाचा १०० टक्के HLA-मॅच्ड डोनर उपलब्ध नसून त्याचे वडील ५० टक्के HLA-मॅच्ड (haploidentical) डोनर म्हणून निश्चित झाले आहेत.
मुलाच्या उपचाराच्या पार्श्वभूमीवर आरोपीने २१ ऑगस्ट २०२६ ते ४ जानेवारी २०२७ या कालावधीसाठी तात्पुरता वैद्यकीय जामीन मागितला. आरोपीने जामिनाचा वापर केवळ मुलाच्या उपचारासाठी करण्याचे तसेच संपूर्ण कालावधीत मुंबईच्या हद्दीतच राहण्याचे मा. न्यायाल्याने आदेशीत केलेले आहे.न्यायालयाने वैद्यकीय गरज व परिस्थितीचा विचार करून आरोपीस २१ ऑगस्ट २०२६ पासून ४ जानेवारी २०२७ रोजी सायंकाळी ४ वाजेपर्यंत तात्पुरता वैद्यकीय जामीन मंजूर केला. यासाठी ₹५०,०००/-चा PR Bond व त्याच रकमेचे एक किंवा दोन स्थानिक जामीनदार देण्याची अट ठेवण्यात आली आहे.
जामीन कालावधीत आरोपीस मुंबईच्या हद्दीबाहेर जाण्यास मनाई असून, त्याने खेरवाडी पोलीस ठाणे, वांद्रे पूर्व, मुंबई येथे दर आठवड्याच्या पहिल्या सोमवारी हजेरी लावण्याचे निर्देश देण्यात आले आहेत. तसेच पुराव्यात छेडछाड न करणे, तक्रारदार अथवा साक्षीदारांवर दबाव न आणणे आणि जामिनाच्या कोणत्याही अटीचा भंग न करणे अशा विविध अटी न्यायालयाने घातल्या आहेत.
यात आरोपी समरसेनजीत उर्फ टिपू प्रमोद गायकवाड तर्फे
ॲड. वृषाली मैंदाड, ॲड .सोमनिंग पुजारी ,
ॲड. शंकर नरुटे,ॲड. गायत्री कुलकर्णी,
ॲड. प्राजक्ता पुजारी, ॲड. अभिषेक देवकते,
ॲड. पराग काळे, ॲड. शुभांगी हजारे, ॲड. हृतिक होनमाने यांनी काम पाहिले.
जनता संघर्ष न्यूज,सोलापूर
बातम्या व जाहिरातीसाठी संपर्क -9579848240
