प्रतिनिधी -अक्कलकोट, दि. १९ ऑगस्ट २०२६ अक्कलकोट तालुक्यातील देशमुख बोरगाव येथे दि. १९ ऑगस्ट २०२६ रोजी लहुजी शक्ती सेनेच्या नूतन शाखेचे अनावरण उत्साहात करण्यात आले. या शाखेच्या माध्यमातून समाजातील वंचित, शोषित व पीडित घटकांना न्याय मिळवून देण्यासाठी कार्य करण्याचा निर्धार यावेळी व्यक्त करण्यात आला.
नूतन शाखेच्या अध्यक्षपदी जगन्नाथ देडे, उपाध्यक्षपदी एकनाथ बनसोडे, खजिनदारपदी कानिफनाथ देडे, सचिवपदी दसरथ देडे, सहसचिवपदी सोपान मगर, तर आधारस्तंभ म्हणून शाम देडे यांची नियुक्ती करण्यात आली.
यावेळी लहुजी शक्ती सेनेचे जिल्हाध्यक्ष नागेश जाधव, तालुकाध्यक्ष बाबजी काबळे तसेच समालोचक हरी देडे (राष्ट्रवादी काँग्रेस पक्ष, अजितदादा गट, सोलापूर जिल्हा उपप्रमुख) यांची प्रमुख उपस्थिती होती.
कार्यक्रमास देशमुख बोरगावचे पोलीस पाटील अभिजीत पाटील, तंटामुक्त अध्यक्ष चन्नप्पा कामशेट्टी, समाजसेवक वीरभद्र स्वामी, गणेश हरी देडे, रमेश देडे, परमेश्वर देडे, राम देडे, राजकुमार देडे, ज्ञानेश्वर देडे यांच्यासह लहुजी शक्ती सेनेचे पदाधिकारी, कार्यकर्ते आणि समाजबांधव मोठ्या संख्येने उपस्थित होते.
लहुजी शक्ती सेनेच्या माध्यमातून समाजातील वंचित, शोषित व पीडित घटकांना न्याय मिळवून देण्यासोबतच समाजबांधवांना एकत्रित आणून विविध सामाजिक उपक्रम राबविण्याचा मानस यावेळी व्यक्त करण्यात आला. भविष्यात देशमुख बोरगाव परिसरात समाजहिताचे विविध उपक्रम लहुजी शक्ती सेनेच्या माध्यमातून राबविले जातील, असा विश्वास उपस्थित पदाधिकाऱ्यांनी व्यक्त केला.
