रेणापूर पंचायत समितीच्या सभापती मोनिका सूर्यवंशी यांनी घेतले श्री वटवृक्ष स्वामी महाराजांचे दर्शन; चेअरमन महेश मालक इंगळे यांच्या हस्ते सत्कार

प्रतिनिधी – अक्कलकोट
येथील श्री वटवृक्ष स्वामी महाराज मंदिरात श्री स्वामी समर्थांचे दर्शन घेतल्यानंतर मनाला मोठी शांती आणि प्रसन्नता लाभली. स्वामींच्या दर्शनाने दीपावलीचा आनंद द्विगुणित झाल्याची भावना लातूर जिल्ह्यातील रेणापूर पंचायत समितीच्या सभापती मोनिका रवि सूर्यवंशी यांनी व्यक्त केली.
दीपावलीचे औचित्य साधून सभापती मोनिका रवि सूर्यवंशी यांनी अक्कलकोट येथील श्री वटवृक्ष स्वामी महाराज देवस्थानला भेट देत श्री स्वामी समर्थांचे मनोभावे दर्शन घेतले. यावेळी देवस्थानचे चेअरमन महेश मालक इंगळे यांच्या हस्ते स्वामींचे कृपावस्त्र, प्रसाद व प्रतिमा देऊन त्यांचा भक्तिभावाने सत्कार करण्यात आला.
यावेळी बोलताना मोनिका सूर्यवंशी म्हणाल्या की, श्री स्वामी समर्थांच्या चरणी नतमस्तक झाल्यानंतर मनाला वेगळीच शांती आणि सकारात्मक ऊर्जा मिळाली. स्वामींचा आशीर्वाद सदैव सर्वांवर राहो. अक्कलकोट नगरीसह संपूर्ण तालुक्यातील जनतेला सुख, समृद्धी आणि उत्तम आरोग्य लाभावे, अशी प्रार्थना स्वामींच्या चरणी केली.
देवस्थानचे चेअरमन महेश मालक इंगळे यांनी केलेल्या प्रेमळ सत्काराबद्दल त्यांनी आभार व्यक्त केले. देवस्थानच्या वतीने भाविकांसाठी सुरू असलेली सेवा आणि धार्मिक उपक्रम कौतुकास्पद असल्याचेही त्यांनी सांगितले. यावेळी त्यांनी सर्वांना दीपावलीच्या मनःपूर्वक शुभेच्छा दिल्या.
याप्रसंगी मंदिर समितीचे सचिव आत्माराम घाटगे, विश्वस्त महेश गोगी, संतोष पराणे, श्रीशैल गवंडी, प्रा. शिवशरण अचलेर, विपुल जाधव, श्रीकांत मलवे, सागर गोंडाळ आदींसह भाविक भक्त उपस्थित होते.
जनता संघर्ष न्यूज सोलापूर
संपादक – सिद्धार्थ भडकुंबे
बातम्या व जाहिरातीसाठी संपर्क – 9579838240
















