प्रतिनिधी -सोलापूर:
पत्नीने दुसऱ्या विवाहातील अडसर दूर करण्यासाठी आपल्याच २ वर्षांच्या चिमुकल्याला छतावरून ढकलून देऊन जीवे मारण्याचा प्रयत्न केल्याची अत्यंत धक्कादायक घटना सोलापुरात उघडकीस आली आहे. या प्रकरणी सोलापूर येथील मे. प्रथमवर्ग न्यायदंडाधिकारी न्यायाधीश श्रीमती जे पी पाटील मॅडम कोर्ट ( Judicial Magistrate) यांच्या न्यायालयात आरोपींविरुद्ध भारतीय न्याय संहिता (BNS), २०२३ अन्वये खाजगी फौजदारी तक्रार केस फिर्यादी विक्रम कामुर्ती यांचेतर्फै adv श्रीनीवास कटकुर कडुन केस दाखल करण्यात आली आहे.
प्रकरणाची पार्श्वभूमी व मुख्य घटना
१. विवाह व वाद: फिर्यादी श्री. विक्रम श्रीनिवास कामूर्ती व आरोपी क्र. १ (नयना माचेर्ला) यांचा विवाह ०४ मे २०२२ रोजी झाला. या वैवाहिक जीवनातून त्यांना ‘अवनीश’ नावाचा मुलगा झाला. विवाहानंतर वैवाहिक वादांमुळे पत्नी ५ महिन्यांची गरोदर असताना घर सोडून निघून गेली. तक्रारदाराने व त्यांच्या कुटुंबीयांनी अनेकदा नांदवण्याचा प्रयत्न केला. तसेच सोलापूर कौटुंबिक न्यायालयात ‘नांदायला यावे’ (Restitution of Conjugal Rights) असा खटलाही दाखल केला आहे.
२.जीवघेणा हल्ला (खुनाचा प्रयत्न): तक्रारदारास मिळालेल्या माहितीनुसार, पत्नी नयना हिला घटस्फोट न घेताच दुसरे लग्न करायचे आहे. या बेकायदेशीर दुसऱ्या विवाहात २ वर्षांचा निष्पाप मुलगा अवनीश अडसर ठरत असल्याने, आरोपी क्र. १ (नयना), आरोपी क्र. ४ (नितीन मार्चला) आणि आरोपी क्र. ५ (अमृता मार्चला) यांनी बाळाला छताच्या उंचीवरून ढकलून देऊन जीवे मारण्याचा प्रत्यक्ष प्रयत्न केला.
३.गंभीर दुखापत: या जीवघेण्या हल्ल्यात बाळ अवनीश याच्या डोक्याला जबर दुखापत झाली असून, त्याच्या डोक्यात रक्ताच्या गाठी (Hematoma/Blood Clots) झाल्या आहेत. सर्व वैद्यकीय उपचारांचे कागदपत्रे न्यायालयात सादर करण्यात आले आहेत.
आरोपींची नावे (सर्व रा. सी. ९/२, एम.आय.डी.सी, अक्कलकोट रोड, सोलापूर)
१. नयना जगदीश माचेर्ला (सौ.नयना विक्रम कामूर्ती (पत्नी)
२. श्री. जगदिश अंबादास मार्चला(सासरे)
३. श्रीमती लता जगदिश मार्चला(सासू)
४. श्री. नितीन जगदिश मार्चला(मेव्हणा)
५. अमृता जगदिश मार्चला(मेव्हणी)
कायद्याची कलमे (BNS, २०२३ व IPC अन्वये मागणी)
स्थानिक पोलिसांकडून योग्य ती दखल न घेण्यात आल्यामुळे तक्रारदाराने न्यायालयात धाव घेतली असून खालील कलमांन्वये कारवाईची मागणी केली आहे:
BNS कलम १०९ (पूर्वीचे IPC ३०७): निष्पाप बालकाला जीवे मारण्याच्या उद्देशाने छतावरून ढकलल्याबद्दल खुनाचा प्रयत्न (Attempt to Murder).
BNS कलम ६१(२) (पूर्वीचे IPC १२०-B):सर्व आरोपींनी मिळून बाळाला संपवून दुसरे लग्न लावून देण्याचा कट रचल्याबद्दल गुन्हेगारी कारस्थान (Criminal Conspiracy).
BNS कलम ३५१ व ३(५):धमकी देणे व समान उद्देशाने (Common Intention) कृत्य करणे.
न्यायालयाकडे केलेली मुख्य मागणी
सर्व आरोपींविरुद्ध BNS च्या संबंधित कलमांन्वये दखल घेऊन समन्स/वॉरंट जारी करण्यात यावे व त्यांना कठोर शिक्षा व्हावी.
बाळाच्या पुढील वैद्यकीय उपचारासाठी आरोपींना ५ लाख रुपयांचा आर्थिक दंड ठोठावण्यात यावा व बाळाच्या सुरक्षेसाठी पोलीस संरक्षण देण्यात यावे.
याकामी तक्रारदारांचे वकील adv. श्रीनीवास कटकुर व adv. आकाश आयंची हे काम पाहत आहेत.
