प्रतिनिधी-अक्कलकोट
गुरुपौर्णिमेच्या पावन पर्वानिमित्त आज १०८ श्री ष. ब्र. श्री शिवसोमनाथ शिवाचार्य महास्वामीजी, संस्थान हिरेमठ, करजगी यांच्या पादपूजन व गुरुपूजनाचा धार्मिक सोहळा अत्यंत भक्तिमय वातावरणात संपन्न झाला. हा कार्यक्रम उंबरजे बंधू यांच्या वतीने आयोजित करण्यात आला.
यावेळी श्री महास्वामीजींची विधिवत पादपूजा करून त्यांचा शाल, श्रीफळ व पुष्पहार अर्पण करून गौरव सन्मान करण्यात आला. गुरुपूजनानंतर महास्वामीजींनी उंबरजे बंधूंना आशीर्वाद देत त्यांच्या धार्मिक व समाजोपयोगी कार्यासाठी शुभेच्छा दिल्या.
या शुभप्रसंगी मोठ्या संख्येने सद्भक्त उपस्थित होते. गुरुभक्तांनी भावपूर्ण वातावरणात गुरुवंदना करत महास्वामीजींचे दर्शन घेतले. संपूर्ण परिसर भक्तिमय वातावरणाने भारावून गेला. गुरुपौर्णिमेनिमित्त आयोजित या सोहळ्यामुळे उपस्थित भक्तांना आध्यात्मिक समाधानाचा लाभ मिळाला.
