नवी दिल्ली -शिखर पहारिया फाउंडेशनसाठी अभिमानाचा क्षण ठरावा असा सन्मान नुकताच नवी दिल्ली येथील कॉन्स्टिट्यूशन क्लब ऑफ इंडिया येथे आयोजित Gen G India Entrepreneurship Summit मध्ये मिळाला. सामाजिक क्षेत्रात उल्लेखनीय कार्य केल्याबद्दल फाउंडेशनला हा मानाचा पुरस्कार उत्तर-पूर्व दिल्लीचे खासदार मनोज तिवारी यांच्या हस्ते प्रदान करण्यात आला.
या प्रसंगी NIAD Group (Australia) चे चेअरपर्सन व व्यवस्थापकीय संचालक प्रवीण कुमार, Startup Odisha चे माजी अध्यक्ष ओंकार राय तसेच Airdit Software चे मुख्य कार्यकारी अधिकारी विश्व मोहन कुमार यांच्याशी संवाद साधण्याची संधी फाउंडेशनच्या प्रतिनिधींना मिळाली. उपस्थित मान्यवरांनी फाउंडेशनच्या समाजोपयोगी कार्याचे कौतुक करत टीम शिखरचे अभिनंदन केले. तसेच भविष्यातही अधिक उत्साहाने आणि समर्पणाने समाजसेवा सुरू ठेवण्यासाठी शुभेच्छा दिल्या.फाउंडेशनच्या वतीने हा सन्मान प्रत्येक स्वयंसेवक, समर्थक आणि हितचिंतकांना समर्पित करण्यात आला. तसेच Gen G India चे मनःपूर्वक आभार व्यक्त करण्यात आले. हा गौरव समाजहितासाठी अधिक जबाबदारीने, संवेदनशीलतेने आणि सातत्याने कार्य करण्याची नवी प्रेरणा देणारा असल्याची भावना यावेळी व्यक्त करण्यात आली.
सन्मान, प्रेरणा, नवे अनुभव आणि समाजसेवेचा दृढ संकल्प यामुळे हा दिवस शिखर पहारिया फाउंडेशनसाठी संस्मरणीय ठरला.
