प्रतिनिधी -सोलापूर
श्री नीलकंठेश्वर सोशल फाऊंडेशनच्या सन २०२६–२७ या वर्षासाठी नवीन पदाधिकाऱ्यांच्या निवडीचा कार्यक्रम एमआयडीसी येथे उत्साहात पार पडला. यावर्षी फाऊंडेशनचे १५ वे वर्ष असून, समाजहिताच्या विविध उपक्रमांमुळे संस्थेने समाजात वेगळी ओळख निर्माण केली आहे.
कार्यक्रमाच्या प्रारंभी ज्येष्ठ समाजबांधव कै. नारायण नागप्पा गडगी यांना श्रद्धांजली अर्पण करण्यात आली. त्यानंतर श्री गणेश पूजन करून कार्यक्रमाची सुरुवात करण्यात आली.
यावेळी ज्येष्ठ समाजबांधव तथा ज्ञाती संस्थेचे माजी सचिव सत्यनारायण द्यावरकोंडा, शिक्षण संस्थेचे माजी सचिव अनिल धुळम, फाऊंडेशनचे सल्लागार श्रीनिवास बंदगी, शंकर बटगिरी, लखन रुमांडला, शशिकांत नादरगी, समर्थ बुगडी, श्रीनिवास धुळम, समाजभगिनी बालमणी कस्सा, लखन मिठ्ठा तसेच अन्य मान्यवर मोठ्या संख्येने उपस्थित होते.
कार्यक्रमात सल्लागार शंकर बटगिरी यांनी प्रस्तावना करत समाजबांधव व युवकांना मार्गदर्शन केले. तसेच सल्लागार श्रीनिवास बंदगी यांनी मागील १४ वर्षांपासून फाऊंडेशनच्या माध्यमातून राबविण्यात आलेल्या विविध सामाजिक उपक्रमांचा आढावा घेतला.यानंतर उपस्थित सर्व मान्यवरांच्या एकमताने सन २०२६–२७ या वर्षासाठी नवीन कार्यकारिणीची निवड करण्यात आली.
*नवीन पदाधिकारी पुढीलप्रमाणे :*
अध्यक्ष : सनील अ. धुळम
व्हाईस प्रेसिडेंट : नरसिंग बु. म्हंता
अध्यक्ष : आनंद श्री. रेब्बा
सचिव : लखन व्यं. मिठ्ठा
सहसचिव : आकाश श्री. सानी
खजिनदार : संजय ल. कुनी
उपाध्यक्ष : शिवराज धुळम, कार्तिक चिकनी, नितीन बंदगी, नागेश गडगी, नवल बटगिरी, रमेश म्हंताटी, नितेश धुळम, चंद्रशेखर बिनगुंडी, सुनील रेब्बा, प्रविण बंदगी, प्रशांत आरकेल, विशाल कस्सा आणि गोविंद बंदगी.
प्रसिद्धी प्रमुख : ध्यानेश्वर रेब्बा, नील धुळम, महेश सानी, प्रसाद माचर्ला, नरेश द्यावरकोंडा, अभिषेक दंडगळ, आशिष धुळम, राजू आवाल, समर्थ मुटकिरी, विनायक कामुर्ती, अशोक आवाल आणि महेश म्हंता.
कार्यक्रमाच्या शेवटी माजी अध्यक्ष लखन रुमांडला यांनी उपस्थित सर्व मान्यवरांचे व समाजबांधवांचे आभार मानले. उत्साहपूर्ण वातावरणात पार पडलेल्या या कार्यक्रमात नव्या कार्यकारिणीला शुभेच्छा देत समाजहिताचे कार्य अधिक प्रभावीपणे पुढे नेण्याचा निर्धार व्यक्त करण्यात आला.
