प्रतिनिधी -सोलापूर
स्पंदन चॅरिटेबल ट्रस्ट महाराष्ट्र राज्य यांच्यावतीने वाचन संस्कृतीला चालना मिळावी तसेच नवोदित लेखकांना प्रोत्साहन देण्यासाठी साहित्यिकांच्या साहित्यकृतीला दरवर्षी “राज्यस्तरीय स्व. राजाराम डाकवे (तात्या) साहित्य पुरस्कार प्रदान करण्यात येतात. २०२५ मध्ये प्रकाशित झालेल्या राज्यस्तरीय साहित्य पुरस्कारांची घोषणा नुकतीच करण्यात आली. यावर्षीचा पुरस्कार पुण्यश्लोक अहिल्यादेवी होळकर सोलापूर विद्यापीठात सहायक कुलसचिव म्हणून कार्यरत असणारे डॉ.शिवाजी शिंदे यांच्या ” भावगंधित व्यक्तिमत्वे ” या ग्रंथास जाहीर झाला आहे.
या पुरस्कार योजनेसाठी प्राप्त झालेल्या ग्रंथांचे मान्यवर परीक्षकांनी परिक्षण केल्यानंतर पुरस्कार समितीच्या वतीने स्पंदन चॅरिटेबल ट्रस्टचे अध्यक्ष डॉ. संदीप डाकवे, उपाध्यक्ष श्री आप्पासो निवडुंगे व सचिव सौ. रेश्मा डाकवे यांनी या पुरस्काराची घोषणा केली
हे सर्व पुरस्कार एका विशेष समारंभात मान्यवरांच्या शुभहस्ते वितरीत करण्यात येतील. कार्यक्रमाची तारीख, वेळ व ठिकाण नंतर कळवले जाईल असे आयोजकांच्या वतीने सांगण्यात आले.
या पुरस्काराबद्दल डॉ. शिवाजी शिंदे यांचे शैक्षणिक, सामाजिक, प्राशासकीय, साहित्यिक आदी सर्वच क्षेत्रातून अभिनंदन होत आहे.
जनता संघर्ष न्यूज सोलापूर बातम्या व जाहिरातीसाठी संपर्क-9569838240
