प्रतिनिधी -ता. मोहोळ,शिंगोली तरटगाव
आरक्षणाचे जनक लोकराजा राजर्षी शाहू महाराज यांच्या जयंतीनिमित्त तसेच स्वातंत्र्य दिनाचे औचित्य साधून “माझा गाव, माझा सन्मान – शिंगोली तरटगाव २०२६” या विशेष कार्यक्रमाचे आयोजन करण्यात आले आहे.
गेल्या वर्षी, २०२५ मध्ये सिना नदीला आलेल्या महापुरामुळे शिंगोली तरटगाव परिसरातील नागरिकांना मोठ्या संकटाला सामोरे जावे लागले होते. या पूरकाळात गावातील नागरिकांना मदत करणारे सेवाभावी नागरिक, विविध संस्था, सेवानिवृत्त कर्मचारी, आजी-माजी सरपंच, उद्योजक, ज्येष्ठ नागरिक तसेच समाजासाठी उल्लेखनीय योगदान देणाऱ्या गुणवंतांचा यावेळी सन्मान करण्यात येणार आहे.
तसेच महापुरग्रस्त विद्यार्थ्यांना वह्यांचे वाटप करण्यात येणार असून, विद्यार्थ्यांना शैक्षणिक साहित्याची मदत देण्यात येणार आहे. या उपक्रमातून समाजाप्रती योगदान देणाऱ्या व्यक्तींचा गौरव आणि विद्यार्थ्यांना प्रोत्साहन देण्याचा प्रयत्न करण्यात येणार आहे.
कार्यक्रमादरम्यान “गीत गाता चल” या सांस्कृतिक कार्यक्रमाचेही आयोजन करण्यात आले आहे. यामध्ये गायक सिद्धार्थ मुकुंद भडकुंबे, गायिका पूजा शिंदे यांच्यासह सिद्धार्थ जाधव, सुशील गायकवाड, एस. एस. भंडारी आणि गायत्री श्रीनिवास पेडिंटी सहभागी होणार आहेत.
शनिवार, दि. १५ ऑगस्ट २०२६
वेळ : सकाळी ११ वाजता
स्थळ : अमृतधारा मंगल कार्यालय, गुंजेगाव रोड, शिंगोली तरटगाव, ता. मोहोळ, जि. सोलापूर
या प्रेरणादायी कार्यक्रमास गावातील सर्व नागरिकांनी, विद्यार्थी, पालक, युवक, महिला व ज्येष्ठ नागरिकांनी मोठ्या संख्येने उपस्थित राहून कार्यक्रमाची शोभा वाढवावी, असे आवाहन आयोजकांच्या वतीने करण्यात आले आहे.
आयोजक : – विश्वास भाऊ गायकवाड
संस्थापक अध्यक्ष, प्रबोधन विचार मंच
संपर्क : ९८२२८८७१४६
“माझा गाव, माझा सन्मान — आपल्या गावाचा, आपल्या माणसांचा गौरव!”
