प्रतिनिधी – अक्कलकोट
शिवसेना बांधकाम कामगार सेनेच्या सोलापूर जिल्ह्यातील संघटनात्मक विस्ताराला चालना देत विविध पदांवर नव्या पदाधिकाऱ्यांची नियुक्ती करण्यात आली. शिवसेनेचे मुख्य नेते तथा उपमुख्यमंत्री माननीय एकनाथजी शिंदे साहेब आणि माननीय खासदार श्रीकांतजी शिंदे साहेब यांच्या आदेशानुसार, शिवसेना बांधकाम कामगार सेना महाराष्ट्र राज्य प्रमुख माननीय प्रीतम शेठ धारिया, पश्चिम महाराष्ट्र कार्याध्यक्ष शरद यामगार तसेच माजी गृहराज्यमंत्री सिद्धारामजी म्हेत्रे यांच्या आदेशाने या नियुक्त्या करण्यात आल्या.फरिहा टिनवाला, माहिती अधिकार तालुका अध्यक्ष, महिला सोलापूर जिल्हा महिला आघाडीच्या जिल्हा उपप्रमुखपदी मालन बी. शेख यांची, तर शिवसेना बांधकाम कामगार सेना अक्कलकोट तालुका प्रमुखपदी इस्माईल आळंद यांची निवड करण्यात आली.
या निवडीचे पत्र शिवसेना जिल्हाध्यक्ष अमरजी पाटील, शिवसेना बांधकाम कामगार सेना जिल्हाध्यक्ष राजकुमार स्वामी, जिल्हाध्यक्ष स्वामीनाथ हेगडे, महिला आघाडी जिल्हाध्यक्ष वैशाली ताई हावनूर आणि अक्कलकोट शहर महिला आघाडीच्या शहर उपप्रमुख गंगाबाई स्वामी आदी मान्यवरांच्या हस्ते प्रदान करण्यात आले.नवनियुक्त पदाधिकारी मालन बी. शेख आणि इस्माईल आळंद यांचा यावेळी पुष्पहार व शाल देऊन सत्कार करण्यात आला. नव्या जबाबदारीच्या माध्यमातून बांधकाम कामगार तसेच नागरिकांच्या प्रश्नांना प्राधान्य देऊन संघटन मजबूत करण्यासाठी प्रयत्न करणार असल्याचा विश्वास यावेळी व्यक्त करण्यात आला.
या कार्यक्रमास शिवसेना बांधकाम कामगार सेना सोलापूर जिल्ह्यातील विविध पदाधिकारी, महिला आघाडीच्या पदाधिकारी तसेच कार्यकर्ते मोठ्या संख्येने उपस्थित होते.
दरम्यान, अक्कलकोट शहरातील विविध विकासकामांनाही सध्या गती मिळत असून रस्ते, स्वच्छता, पाणीपुरवठा आणि सार्वजनिक सुविधांशी संबंधित कामे सुरू आहेत. संबंधित विभागांकडून कामांचा आढावा घेतला जात असून नागरिकांच्या तक्रारींचे निराकरण करण्यावरही भर दिला जात आहे.
विकासकामांमुळे परिसरातील मूलभूत सुविधांमध्ये सुधारणा होण्याची अपेक्षा नागरिकांकडून व्यक्त होत आहे. कामे वेळेत आणि दर्जेदार पद्धतीने पूर्ण करावीत, अशी मागणी नागरिकांनी केली आहे. प्रशासनानेही नागरिकांच्या सूचनांचा विचार करून आवश्यक त्या उपाययोजना करण्याचे आश्वासन दिले आहे.
जनता संघर्ष न्यूज,सोलापूर
बातम्या व जाहिरातीसाठी संपर्क-9579838240
